Drjewjana skulptura Duba kejžora Wilhelma

Drjewjana skulptura pśed Rogojskeju cerkwju.

Rogojski kejžorski dub 1897-2003.
Drjewjana skulptura Hans-Georg Wagnera.

Fotograf: AvO

Spomnjeśa gódna jo w Rogowje teke drjewjana skulptura ze štoma starego Duba kejžora Wilhelma, kótaryž su w starem Rogowje 1897 sajźali. Mócny štom jo měł pśi pušćanju wobměru na
3,35 metrow. Wuměłc Hans-Georg Wagner jo dubowy štom estetiski wobźěłał a casowe markěrowanja napórał.

Detajlny póglěd do styrich źělow rozdźělonego dubowego štoma z casowymi markěrowanjami a napisom

Rogojski kejžorski dub, detajl:
Casowe markěrowanja

Fotograf: AvO

Wažne casohistoriske tšojenja z Rogojskich wejsnych stawiznow stupje tak do poměra k markantnym datam swětowych stawiznow.
Drjewjana skulptura Duba kejžora Wilhelma stoj mjzay cerkwju a wejsnym gatom.
Dalšne wuměłski wobźěłane źěle Rogojskego kejžorskego duba su wiźeś w cerkwi ako sćěnowy fris.